Sunday, 10 July 2016

I Don Enter Wahala... Epp Me!!!

I enter my neighbor room this afternoon, na him I see one cream on top of him table, and the cream come resemble hair relaxer.

One of my female Facebook friend promised to come visit me tomorrow, na him I carry the cream rub for hair, unto say make I relax my hair so that e go curl like pastor Chris own. You know how e dey be na... All na packaging

I rub the cream for head, rub for my beads even rub for eyebrow,,,, I sit down dey wait make my hair curl before I go wash the cream comot.

As I dey wait, na him one mind say make I even read wetin dem write for the body of the cream,,, my people,,, tears comot for my eyes when I discover say na Hair Remover naim I carry rub for head, for beards and even for eyebrows

I think say na joke until all the hair wey dey my head begin fall one by one like fowl wey dem put for hot water
As I dey talk to you so, I come resemble person wey dem be wan take do ritual, wey escape.

My problem now be say...... How me wan take convince my facebook friend wey wan visit me tomorrow say na me be the Olamz wey she trip for finish for Facebook? Right now .... Am not the guy I used to know.... Am the shadow of myself as i resemble the older brother to smiggle.

Na now I know why dem talk say before you use anything, be it electronic gadget or cream, make sure you read the manual or the direction on how to us. Chai which kyn gbese be this????

Don't Forget To Visit http://www.olamzy.com for more news gists...

No comments:

Post a Comment